პროექტი ,,წიგნიერი"

თვალსაწიერის გაფართოება, გემოვნებიან მკითხველად ჩამოყალიბება; ლოგიკური აზროვნებისა და კვლევითი, ასევე თანამშრომლობითი უნარების განვითარება _ ამ მიზნებსა და ამოცანებს ემსახურება პროექტი ,,წიგნიერი“, რომელსაც ქართული ენისა და ლიტერატურის მასწავლებელი თეა ასიეშვილი ყოველწლიურად ახორციელებს. პროექტს ერთგვარი მარათონის სახე აქვს და წლის განმავლობაში სამ ეტაპად ტარდება. ამჯერად ერთმანეთს მეხუთე კლასის ოთხი გუნდი შეეჯიბრა. მოსწავლეები მოტივირებულნი, მომზადებულნი შეხვდნენ საფინალო ტურს. წამახალისებელი პრიზი თითოეულმა მონაწილემ მიიღო. დაჯილდოვდნენ მოაზროვნეები, კაპიტნები.. ბლიცტურნირის გამარჯვებული მეხუთე კლასის მოსწავლე ლუკა მუჯირი გახდა.

მადლობა, მეხუთეკლასელებო!

,,საქმით მეტყველი სული“.

,,დედაენის“ ზეიმი

გარეთ ოქროსფერი შემოდგომაა. ა (ა) იპ საქართველოს საპატრიარქოს ოზურგეთის წმიდა გაბრიელ ეპისკოპოსის სახელობის მართლმადიდებლური სკოლის პირველ სართულზე, პირველი კლასის საკლასო ოთახში იებმა იფეთქეს! რას დაიტევდა! პატარებმა მთელ სკოლას გადასდეს გულწრფელი, უსაზღვრო სიხარული! ,,დედაენის“ ზეიმი. ოქტომბერი. 2024 წელი (პედაგოგები: ირმა ქილიფთარი, თამილა ბურჭულაძე. ელენე გორგოშიძე).