გახსოვდეს, ვისი გორისა ხარ!!!

რიცხვები და მოქმედებები

ა (ა) იპ საქართველოს საპატრიარქოს ოზურგეთის წმიდა გაბრიელ ეპისკოპოსის სახელობის მართლმადიდებლური სკოლის დაწყებითი კლასების მასწავლებელი მაია ჩოლაბარგია მუდმივად ახერხებს, რომ მოსწავლეების წინაშე წარმოაჩინოს მათემატიკის შემოქმედებითობა და კრეატიულობა. ერთი შეხედვით რთული და მოსაწყენი მეცნიერების სამყაროში პირველი ნაბიჯების გადადგმა მისი მოსწავლეებისთვის სახალისოც კია. ამის დასტური იყო დღევანდელი ვიქტორინაც, რომლის მიზანიც გახლდათ შეძენილი ცოდნის ხარისხის შემოწმება, ჯგუფური მუშაობის უნარ-ჩვევების განმტკიცება, მოსწავლეთა შემოქმედებითი პოტენციალის გააქტიურება (სამიზნე ცნება: რიცხვები და მოქმედებები). მესამეკლასელებმა ცნობილი მათემატიკოსების გამონათქვამები სლოგანებად მოირგეს. ვიქტორინა 3 ტურად ჩატარდა. თითოეულ ჯგუფსა და მოსწავლეს აქტიურობის შესაბამისი წამახალისებელი სიგელები გადაეცა.

,,მეორე კლასი და მათემატიკა“

როგორც გიყვებოდით, მეორე კლასში ერთ-ერთი შემაჯამებელი ღონისძიება იყო ,,მეორე კლასი და მათემატიკა,“ . მოსწავლეებმა აჩვენეს, რომ მათთვის მათემატიკა არის აზროვნება, ლოგიკა, უსასრულობის ერთიანი სიმფონია...

სწავლა თამაშით

სწავლა თამაშით. მათემატიკის მასწავლებელმა მაია ჩოლაბარგიამ მესამე კლასში ნამდვილი მათემატიკური მარათონი მოაწყო.