ჩვენი გუნდი

კათედრები

აკადემიური რესურსი

სახელმძღვანელოები

I-XII კლასები

სიახლეები

საზოგადოებრივი

,,ჩემი კუთხის უცნობი ისტორია"

Details: Category: საზოგადოებრივი; Published on Thursday, 22 August 2024 12:03; Written by gia; Hits: 1293

ა(ა)იპ საქართველოს საპატრიარქოს ოზურგეთის წმიდა გაბრიელ ეპისკოპოსის სახელობის მართლმადიდებლურ სკოლაში საზოგადოებრივი მეცნიერებებისა და მათემატიკის კათედრის თანამშრომლობით განხორციელდა პროექტი ,,ჩემი კუთხის უცნობი ისტორია".პროექტის ფარგლებში მე-11 კლასის მოსწავლეებმა დათი კვაჭანტირაძემ და ერეკლე გორდელაძემ შექმნეს ვიდეორგოლი,რომელიც მოგვითხრობს თამარ მეფის საწინამძღვრო ჯვრის უცნობ ისტორიას.

ვაშნარი

Details: Category: საზოგადოებრივი; Published on Thursday, 18 January 2024 20:52; Written by gia; Hits: 3902

წმიდა გაბრიელ ეპისკოპოსის სახელობის სამრევლო სკოლის მე-11 კლასის მოსწავლეები ესტუმრნენ საქართველოს კულტურული მემკვიდრეობის დაცვის ეროვნული სააგენტოსა და ეპარქიის მიერ დაფინანსებულ პროექტს, რომელიც მოიცავს ოზურგეთის რაიონის სოფელ გურიანთის ტერიტორიაზე ვაშნარის ნაქალაქარის არქეოლოგიურ კვლევა-ძიებას. ჩვენმა მოსწავლეებმა დაათვალიერეს ტაძრის ნანგრევები და გაეცნენ საქართველოს IV-VI ს-ის ხუროთმოძღვრების ისტორიას (პედაგოგი: ისტორიის მასწავლებელი ხათუნა სალუქვაძე).

„ ჩემი თვალით დანახული აფხაზეთი“

Details: Category: საზოგადოებრივი; Published on Sunday, 09 July 2023 17:16; Written by gia; Hits: 2476

საქართველოს განათლებისა და მეცნიერების სამინისტროს, საქართველოს საპატრიარქოსა და აფხაზეთის ავტონომიური რესპუბლიკის განათლებისა და კულტურის სამინისტროსთან ერთად გამოცხადებულ სასკოლო კვირეულში „ ჩემი თვალით დანახული აფხაზეთი“, აქტიურად ჩაერთნენ სკოლის საზოგადოებრივი მეცნიერებების კათედრის და სახვითი ხელოვნების მასწავლებლები. გამოცხადდა კონკურსი, თემას მოსწავლეები დიდი ინტერესით მოეკიდნენ, წარმოდგენილი იყო რამდენიმე ჩანახატი აფხაზეთზე, ლექსები, ნახატები.

აღნიშნულ კონკურსში გამოვლინდა საუკეთესო ლექსის- ავტორი მარიამ თავდუმაძე( მე-7 კლასი) და საუკეთესო ნახატის ავტორი- სანდრო ჩხაიძე(მე-9 კლასი). ძალზე ემოციური ნახატები წარმოადგინეს მე -6 კლასის მოსწავლეებმა. რესპუბლიკური კონკურსისთვის დამზადდა საინტერესო ვიდეორგოლი „ ჩემი აფხაზეთი“ გამარჯვებული ლექსისა და ნახატის ავტორების თანამშრომლობით. გადაღება და მონტაჟი ეკუთვნის მარიამ ზოიძეს (მე-7 კლასი).

მე-9 კლასის მოსწავლეებმა მარიამ მალაზონიამ და ანა მახარაძემ მოიძიეს მასალები და სკოლის მოსწავლეთა წინაშე წარადგინეს პრეზენტაციები: ა) აფხაზეთი ომამდე და ომის შემდგომ“ და ბ)„ აფხაზეთის ტერიტორიაზე არსებული ეკლესია მონასტრები“. პრეზენტაციების შემდეგ გაიმართა დისკუსია, ამაღელვებელი იყო მოსწავლეთა სულისკვეთება, განსაკუთრებით ემოციური იყო უმცროსკლასელთა შეძახილები- „ჩვენ დავბრუნდებით აფხაზეთში“.

სკოლის დირექციამ კვირეულის ყველა მონაწილე სიგელებით დააჯილდოვა

,,თემში მშვიდობიანი თანაცხოვრებისათვის"“

Details: Category: საზოგადოებრივი; Published on Sunday, 08 January 2023 13:45; Written by gia; Hits: 2361

ა (ა) იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლის მე-7 კლასის მოსწავლეებმა წარმოადგინეს კომპლექსური დავალება თემაზე:

„სიტყვით გამოსვლა სიცოცხლის უფლების დაცვის მნიშვნელობაზე თემში მშვიდობიანი თანაცხოვრებისათვის“ (ხელმძღვანელი: მოქალაქეობის მასწავლებელი ზაირა ბერიძე).

მოსწავლეებმა, პედაგოგის დახმარებით, გაიაზრეს, რომ სიცოცხლის უფლება დაცულია საქართველოს კონსტიტუციით, ადამიანის უფლებათა საყოველთაო დეკლარაციით. გააცნობიერეს სიცოცხლის უფლება, როგორც ადამიანის ფუნდამენტური უფლება და როგორც დემოკრატიის ერთ-ერთი აუცილებელი პირობა. მათ მიერ წარმოდგენილი პრეზენტაციები საინტერესო იყო შინაარსობრივადაც და ვიზუალურადაც.

პლაკატებშიც წარმოჩნდა კომპლექსური დავალების მზადებისას მიღებული ცოდნა. გაჟღერდა უმთავრესიც: სიცოცხლე ღმერთის საჩუქარია და არავის აქვს უფლება მისი ხელყოფისა!

ოჯახში ჩემი უფლებები

Details: Category: საზოგადოებრივი; Published on Monday, 07 March 2022 10:52; Written by gia; Hits: 7304

ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლის მე-3 კლასის მოსწავლეების საშინაო დავალება ,,მე და საზოგადოებაში"-ოჯახში მათ უფლებებსა და მოვალეობებზე.

,,როგორ ვმონაწილეობ არჩევნებში"

Details: Category: საზოგადოებრივი; Published on Monday, 07 March 2022 10:36; Written by gia; Hits: 4694

ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლის IX კლასში, სამოქალაქო განათლებაში საგაკვეთილო თემის - ,,როგორ ვმონაწილეობ არჩევნებში" გააზრების და საარჩევნო უნარების განვითარების მიზნით ჩატარდა იმიტირებული არჩევნები. მოსწავლეებმა ლუკა მურადაშვილმა, თამარ სირაძემ, ანასტასია ტუღუშმა წარმოადგინეს ,,საარჩევნო პროგრამა", თითოეულ კანდიდატს დაუსვეს შეკითხვები.

ხმის დამთვლელმა კომისიამ ფარული კენჭისყრით გამოავლინა გამარჯვებული, კონკურენტებმა გულწრფელად მიულოცეს გამარჯვება ლუკა მურადაშვილს.

წითელქუდა

Details: Category: საზოგადოებრივი; Published on Monday, 16 March 2020 11:27; Written by gia; Hits: 14213

(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლის მესამე კლასის მოსწავლეებმა ,,მე და საზოგადოების" გაკვეთილზე ,,წითელქუდას" პერსონაჟების უფლებებზე იმსჯელეს.

ევროპა ჩემი სახლია

Details: Category: საზოგადოებრივი; Published on Monday, 09 March 2020 11:50; Written by gia; Hits: 12402

ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლაში, ,,ევროპა ჩემი სახლია" ფარგლებში, XI კლასის მოსწავლე მამუკა სიხარულიძემ, მოაწყო სახალისო პრეზენტაცია ,,ვირტუალური მოგზაურობა ევროპაში".

მე და საზოგადოება

Details: Category: საზოგადოებრივი; Published on Monday, 09 March 2020 11:04; Written by gia; Hits: 8755

,,მე და საზოგადეობა". სახალისო გაკვეთილი მე-3 კლასში.

საქართველოს რესპუბლიკის დამფუძნებელი კრების 100 წლისთავისადმი მიძღვნილი ღონისძიება

Details: Category: საზოგადოებრივი; Published on Tuesday, 05 November 2019 09:44; Written by gia; Hits: 3650

საქართველოს რესპუბლიკის დამფუძნებელი კრების 100 წლისთავს მიეძღვნა კომპლექსური ღონისძიება, რომელიც ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლის მოსწავლეებმა ჩაატარეს ექვთიმე თაყაიშვილის სახელობის არქეოლოგიურ მუზეუმ-ნაკრძალში. ეს იყო შემეცნებითი და შემოქმედებითი აქტივობების სინთეზი, რასაც მოსწავლეებმა კარგად გაართვეს თავი. პედაგოგები: ხათუნა სალუქვაძე, ზაირა ბერიძე, ქრისტინე მათითაიშვილი, ფოტინე გორდელაძე.

ინგა სირაძის პედაგოგიური პრაქტიკის კვლევა

Details: Category: საზოგადოებრივი; Published on Monday, 15 July 2019 08:36; Written by gia; Hits: 5794

ინგა სირაძის პედაგოგიური პრაქტიკის კვლევა
იხილეთ ბმული
https://drive.google.com/…/1cgm8UOYJecgnnKo428HuukmSf…/view…

იმიტირებული სხდომა

Details: Category: საზოგადოებრივი; Published on Wednesday, 23 January 2019 09:10; Written by gia; Hits: 13602

4 დეკემბერს ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლაში, საგანში ,,სამოქალაქო თავდაცვა და უსაფრთხოება" ჩატარდა გაეროს იმიტირებული სხდომა: ,,ტექნოგენური პროცესებით გამოწვეული შედეგები".
მოსწავლეებმა მოამზადეს მასალები, მოირგეს სხვადასხვა სახელმწიფოს წარმომადგენელთა როლი, წარმოადგინეს სახელმწიფოთა პოზიციები გლობალურ საფრთხეებთან დაკავშირებით.

მხიარული გაკვეთილები

Details: Category: საზოგადოებრივი; Published on Wednesday, 23 January 2019 07:48; Written by gia; Hits: 12833

მხიარული და შემეცნებითი გაკვეთილები ,,მე და საზოგადოება"-ში

,,საქართველო 1918-1921 წლებში"

Details: Category: საზოგადოებრივი; Published on Tuesday, 06 November 2018 09:17; Written by gia; Hits: 16943

ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლაში საქართველოს დამოუკიდებლობის 100 წლის საიუბილეოდ ჩატარდა ღონისძიება ,,საქართველო 1918-1921 წლებში". პრეზენტაცია მოამზადეს მე-10 კლასის მოსწავლეებმა. პედაგოგი: ხათუნა სალუქვაძე.

,,მშობელი პასუხს უნდა აგებდეს თავისი შვილის დანაშაულზე"

Details: Category: საზოგადოებრივი; Published on Tuesday, 06 November 2018 08:25; Written by gia; Hits: 8922

სამოქალაქო განათლების გაკვეთილზე მოსწავლეებს შორის გაიმართა დებატი თემაზე: ,,მშობელი პასუხს უნდა აგებდეს თავისი შვილის დანაშაულზე"

დებულება

Details: Category: საზოგადოებრივი; Published on Tuesday, 12 June 2018 13:20; Written by gia; Hits: 16375

ა(ა) იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლა

საზოგადოებივ მეცნიერებათა კათედრის

დებულება

შემუშავებულია კათედრის წევრების მიერ

დამტკიცებულია კოლეგიის გაფართოებული სხდომის მიერ
ოქმი# 1

დამოწმებულია სკოლის დირექტორის მიერ:

დებულება
თავი 1. ზოგადი დებულება

1.1. საზოგადოებრივი მეცნიერებების კათედრას წარმოადგენს ისტორიის, გეოგრაფიის სამოქალაქო განათლების და სამოქალაქო თავდაცვის მასწავლებლები
კათედრის მუშაობა ეყრდნობა შემდეგ კანონებსა და აქტებს:
1. საქართველოს კანონი ზოგადი განათლების შესახებ`
2. ეროვნული სასწავლო გეგმა
3. სასკოლო სასწავლო გეგმა
4. წინამდებარე დებულება

1.2 მოქმედების არეალი
ა(ა) იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლი სკოლა

თავი 2. კათედრის დებულების დამტკიცება
2.1კათედრის დებულებას შეიმუშავებს კათედრის თავ-რე წევრეთან ერთად,
განიხილება და მტკიცდება პედსაბჭოზე.
ამოწმებს სკოლის დირექტორი.
2.2 ძალაში შედის დამტკიცებისთანავე.

თავი 3. კათედრის მიზნები და ამოცანები
3.1. მიზნები: საზოგადოებრივ დისციპლინებში სწავლების ხარისხის ამაღლების ხელშეწყობა;
მოსწავლეებში ისტორიის, გეოგრაფიის, სამოქალაქო განათლების სწავლის მიმართ მოტივაციის ამაღლება

3.2 ამოცანები:
• საგნების სწავლებაში არსებული პრობლემების გამოვლენა
• საგნების სწავლებაში თანამედროვე მეთოდების დანერგვა
• მეთოდური მასალების მოძიება, მომზადება
• სხვა კათედრებთან თანამშრომლობა
• სახელმძღვანელოების განხილვა, რეკომენდაციების მომზადება
• გაკვეთილებზე დასწრება-შეფასება
• მონიტორინგის ჩატარება (კრიტიკული მეგობარი)

თავი 4. კათედრის წევრობა

4.1 კათედრის წევრად ითვლება საზოგადოებრივ დისციპლინების ყველა მასწავლებელი
კათედრის სხდომა ტარდება სემესტრში 2-ჯერ. საჭიროების შემთხვევაში ტარდება რიგგარეშე სხდომა(თავ-რის ან კათედრის უმრავლესობის მოთხოვნით)

4.2 კათედრის წევრების უფლება -მოვალეობები:
კათედრის წევრს აქვს უფლება
• მიიღოს მონაწილეობა სახელმძღვანელოების შერჩევაში;
• საათების განაწილებაში
• კათედრის მუშაობის დაგეგმვაში
• მოითხოვოს ტრენინგების მოსმენა
• მიიღოს კვალიფიციური მეთოდური დახმარება
• შეიმუშავოს წინადადებები და რეკომენდაციები და მიაწოდოს დირექციას,კოლეგიის გაფართოებულ სხდომას.
• განახორციელოს ინოვაციური პროექტები
• მიიღოს მონაწილეობა სასკოლო სასწავლო გეგმის შემუშავებაში და დამტკიცებაში
• მიიღოს მონაწილეობა კათედრის მუშაობაში
• მიიღოს მონაწილეობა საგამოცდო ტესტების შემუშავებაში
• კათედრის მუშაობის შეფასებაში
• მონაწილეობა მიიღოს სხვა კათედრებთან კოორდინირებულ მუშაობაში
თავი5. კათედრის თავ-რე
კათედრის თავ-რე ირჩევა წელიწადში ერთხელ, გამონაკლის შემთხვევაში 2 წლით .
თავმჯდომარის უფლება-მოვალეობა:
• მუშაობის ორგანიზება
• დოკუმენტების წარმოება/ შენახვა
• გუნდური მუშაობის კოორდინირება
• კათედრის საქმიანობის დაგეგმვა
• მონიტორინგი
• შეფასება
• ანგარიშის მომზადება, პედსაბჭოსთვის წარდგენა
• სხვა კათედრებთან თანამშრომლობა.
თავი 6 კათედრის სხდომა და გადაწყვეტილებები
6.1კათედრა უფლებამოსილია მიიღოს გადაწყვეტილება, თუ სხდომას ესწრება უმრავლესობა;
სხდომას ატარებას თავ-რე ან მის მიერ უფლებამოსილი პირი.
თავი 7. ცვლილება-დამატებები დებულებაში
7.1დებულებაში ცვლილებება/დამატებების შეტანის უფლება აქვს კათედრის თავ-რეს წევრებთან ერთად.
7.2 ცვლილებებს ამტკიცებს პედაგოგიური კოლეგიის სხდომა

სკოლის ინტელექტუალი

Details: Category: საზოგადოებრივი; Published on Monday, 13 February 2017 11:35; Written by gia; Hits: 16470

21 ნოემბერს ა(ა) იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლაში, საზოგადოებრივი მეცნიერებების კათედრის ინიციატივით , ჩატარდა კონკურსი „ სკოლის ინტელექტუალი“, რომელიც მიეძღვნა ბავშვის უფლებათა დაცვის დღეს , მასში მონაწილეობა მიიღეს IX, X, XI კლასების მოსწავლეებმა.
კონკურსის მიზანი: მოსწავლეთა მოტივაციის ამაღლება სასწავლო დისციპლინებში.
კონკურსი ჩატარდა სამ ტურად, გამოვლინდნენ გამარჯვებულები: I ადგილი- ანა სკამკოჩაიშვილი (X კლასი), II-III ადგილები (თანაბარი ქულებით) მარიამ მელუა(XI კლასი) და ბექა ღლონტი (IX კლასი).

ინტელექტუალური კონკურსი

Details: Category: საზოგადოებრივი; Published on Tuesday, 22 November 2016 10:50; Written by gia; Hits: 14080

იმიტირებული არჩევნები

Details: Category: საზოგადოებრივი; Published on Wednesday, 26 October 2016 06:46; Written by gia; Hits: 13505

ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლაში 6 ოქტომბერს ჩატარდა სამოქალაქო განათლების გაკვეთილი განსხვავებული ფორმატით თემა:,,იმიტირებული არჩევნები". ოთხი პარტიის ,,წარმომადგენლებმა" დარბაში მსხდომთ გააცნეს თავიანთი ,,სამოქმედო პროგრამა" 1.,,მეგრელიშვილი დემოკრატები" 2. ,,ნათელი მომავალი" 3. ,,დიქტატორ დემოკრატები" 4. ,,ბარამიძე მეგრელაძე". გენდერული ბალანსი დაცული იყო- ერთი გოგონა და სამი ვაჟი. არასამთავრობო ორგანიზაციის, ტელელკომპანია ,,რუსთავი 3-ის" ,,ა(ა)იპ საქართველოს საპატრიარქოს წმიდა გაბრიელ ეპისკოპოსის სახელობის სამრევლო სკოლაში 6 ოქტომბერს ჩატარდა სამოქალაქო განათლების გაკვეთილი განსხვავებული ფორმატით თემა:,,იმიტირებული არჩევნები". ოთხი პარტიის ,,წარმომადგენლებმა" დარბაში მსხდომთ გააცნეს თავიანთი ,,სამოქმედო პროგრამა" 1.,,მეგრელიშვილი დემოკრატები" 2. ,,ნათელი მომავალი" 3. ,,დიქტატორ დემოკრატები" 4. ,,ბარამიძე მეგრელაძე". გენდერული ბალანსი დაცული იყო- ერთი გოგონა და სამი ვაჟი. არასამთავრობო ორგანიზაციის, ტელელკომპანია ,,რუსთავი 3-ის" ,,წარმომადგენლებმა" ,,დეპუტატობის კანდიდატებს" დაუსვეს კითხვები. ექსპერტმა ,,გააკეთა პროგნოზი" არჩევნების შესახებ. ჩატარდა არჩევნები,ორი ,,კანდიდატი" გადავიდა მეორე ტურში.

საზოგადოებრივი მეცნიერებები

Details: Category: საზოგადოებრივი; Published on Sunday, 16 August 2015 16:31; Written by gia; Hits: 11897

1. საზოგადოებრივი მეცნიერებების საგნობრივ ჯგუფში გაერთიანებულია შემდეგი სავალდებულო საგნები:

ა) ჩვენი საქართველო (ისწავლება V-VI კლასებში);

ბ) საქართველოს და მსოფლიო ისტორია (ისწავლება VII- VIII, XI -XII კლასებში);

გ) საქართველოს ისტორია (ისწავლება IX კლასში);

დ) შესავალი ისტორიაში (ისწავლება X კლასებში);

ე) გეოგრაფია (ისწავლება VII- VIII კლასებში);

ვ) საქართველოს გეოგრაფია (ისწავლება IX კლასში);

ზ) მსოფლიოს გეოგრაფია (ისწავლება X კლასში);

თ) გლობალური პრობლემების გეოგრაფია (ისწავლება XI კლასში);

ი) სამოქალაქო განათლება (ისწავლება IX-X კლასებში);

კ) სამოქალაქო თავდაცვა და უსაფრთხოება (ისწავლება IV, VIII და XII კლასებში);

ლ) საგზაო ნიშნები და მოძრაობის უსაფრთხოება (ისწავლება XI კლასში);

2. საზოგადოებრივი მეცნიერებების საგნობრივი ჯგუფის მთავარი მიზანია, ხელი შეუწყოს ინფორმირებული, აქტიური და პასუხისმგებლობის გრძნობის მქონე მოქალაქის აღზრდას; მიაწოდოსმოსწავლეს ინფორმაცია მშობლიური გარემოს შესახებ; დაეხმაროს მას, განსაზღვროს მშობლიური ქვეყნის ადგილი მსოფლიო ისტორიულ და გეოგრაფიულ პროცესებში; ჩამოაყალიბოს იგიპატრიოტ და ჰუმანურ ადამიანად. ამასთან, საზოგადოებრივი მეცნიერებების საგნობრივ ჯგუფში შემავალი საგნების სწავლებას გადამწყვეტი მნიშვნელობა აქვს მოსწავლეებში სამოქალაქო ღირებულებების გამომუშავებისთვის.