სასწავლო წელი წმიდა გაბრიელ ეპისკოპოსის სახელობის მეორე კლასში რამდენიმე მიმართულებით შეჯამდა. სასკოლო საზოგადოებას წარმოვუდგენთ თითოეული ღონისძიების ფრაგმენტებს: ,,მეორე კლასი და მათემატიკა“, ,,მეორე კლასი და ხელოვნება“, მეორე კლასი და გაზაფხული“. მაშ ასე: ,,მეორე კლასი და ხელოვნება“!

სასწავლო წლის ბოლოს სახვითი და გამოყენებითი ხელოვნების გაკვეთილი მეორე კლასში (მასწავლებელი: ელენე სარიშვილი) სახალისო გამოფენა-კონკურსით აღინიშნა. ბავშვები სხვადასხვა ნომინაციით დაჯილდოვდნენ: ,,საუკეთესო ფერთა შეხამება“, ,,საუკეთესო კომპოზიცია“, ,,სწრაფი ხელი“, ,, საუკეთესო სილუეტი“, ,, საუკეთესო ხედვა“. კონკურსანტებმა მნახველებს სიამოვნებით წარუდგინეს საკუთარი ნამუშევრები.